தசை மற்றும் அந்தாரம் கணக்கிடும் முறை மற்றும் இதர விளக்கம்

 தசை மற்றும் அந்தரம் கணக்கிடும் முறை மற்றும் இதர விளக்கம்.

             

செவ்வாய்ப்பட்டி ஸ்ரீ பத்திரகாளி அம்மன் துணை!

     சாதகர் பிறந்த அன்று உள்ள நட்சத்திர ஆதியந்த பரம நாழிகையை கணக்கிட்டு அதிலிருந்து சாதகர் பிறந்த நேரம் வரை உள்ள‌ நட்சத்திர நாழிகையினை கழித்து கிடைக்கும் மீதமுள்ள நாழிகையினை நட்சத்திர இருப்பாக கணக்கிடப்பட்டு அந்த இருப்பு நாழிகையினை அந்த நட்சத்திரத்திற்கு உரிய தசா வருடத்தால் பெருக்கி கிடைப்பதை ஆதியந்ந பரம நாழிகையால் வகுத்து வரும் மீதியினை தசாவுக்குரிய " வருடம்" ஆகவும் கணக்கிடப்படுகிறது.

    பிறகு அதில் கிடைக்கும் 'ஈவு'வினை பன்னிரண்டு மாதத்தால் பெருக்கி கிடைப்பதை ஆதியந்த  நாழிகையால் வகுக்க வரும் மீதியினை தசாவின் மாதங்களாகவும் எடுத்துக் கொள்ளப்படுகிறது.

    பிறகு அதில் கிடைக்கும் 'ஈவு'வினைனை ஒரு மாதத்திற்கு உரிய முப்பது நாட்களால் பெருக்கி வருவதை ஆதியந்த நாழிகையால் வகுக்க கிடைக்கும் மீதி தசாவுக்குரிய நாட்களாகவும் கணக்கில் எடுத்துக் கொள்ளப்படுகிறது.

  மேற்கண்ட வகையில் பிறந்த குழந்தைக்கு தசா இருப்பு கணக்கிடப்படுகிறது.

  கார்த்திகை, உத்திரம், உத்திராடம் நட்சத்திரத்தில் பிறந்தவர்கள் சூரிய தசை ஜனன கால இருப்பு தசையாக எடுத்துக்கொள்ளப்படுகிறது.

  ரோகிணி, அஸ்தம், திருவோணம் நட்சத்திரத்தில் பிறந்தவர்களுக்கு சந்திர தசை ஜெனன கால இருப்பு தசையாக கணக்கில் எடுத்துக்

கொள்ளப்படுகிறது.

 மிருகசீரிடம், சித்திரை, அவிட்டம் நட்சத்திரத்தில் பிறந்தவர்களுக்கு செவ்வாய் தசை ஜெனன கால இருப்பு தசையாக கணக்கில் எடுத்துக்

கொள்ளப்படுகிறது.

 திருவாதிரை, சுவாதி சதயம் நட்சத்திரத்தில் பிறந்தவர்களுக்கு ராகு தசை ஜனன கால இருப்பு தசையாக கணக்கில் எடுத்துக்

கொள்ளப்படுகிறது.

 புனர்பூசம், விசாகம் பூரட்டாதி நட்சத்திரத்தில் பிறந்தவர்களுக்கு குரு தசை ஜனன கால இருப்பு தசையாக கணக்கில் எடுத்துக் கொள்ளப்படுகிறது.

 பூசம், அனுஷம், உத்திரட்டாதி நட்சத்திரத்தில் பிறந்தவர்களுக்கு சனி தசை ஜெனன கால இருப்பு தசையாக கணக்கில் எடுத்துக்

கொள்ளப்படுகிறது .

ஆயில்யம், கேட்டை, ரேவதி நட்சத்திரத்தில் பிறந்தவர்களுக்கு புதன் தசை ஜெனன கால இருப்பு தசையாக கணக்கில் எடுத்துக்

கொள்ளப்படுகிறது .

அசுவதி ,மகம், மூலம் நட்சத்திரத்தில் பிறந்தவர்களுக்கு கேது தசை ஜனன கால இருப்பு தசையாக கணக்கில் எடுத்துக் கொள்ளப்படுகிறது.

 பரணி, பூரம், பூராடம் நட்சத்திரத்தில் பிறந்தவர்களுக்கு சுக்கிர திசை ஜனன கால இருப்பு தசையாக கணக்கில் எடுத்துக்கொள்ளப்படுகிறது.

    மதிப்பிற்குரிய பராசர முனிவர் உடு மகா திசை மொத்தம் 120 ஆண்டுகளாக கணக்கில் எடுத்துக் கொள்ளப்பட்டு ஒன்பது சமமற்ற வருடங்களாக கீழ்க்கண்ட வகையில் வரிசைக்கிரமமாக பிரிக்கப்பட்டுள்ளது.

சூரிய திசை 6 வருடம்

 சந்திர தசை 10 வருடம்

 செவ்வாய் திசை 7 வருடம்

 

ராகு தசை 18 வருடம்

குரு திசை 16 வருடம்

சனி திசை 19 வருடம்

 புதன் திசை 17 வருடம்

 கேது திசை 7 வருடம்

 சுக்கிர திசை 20 வருடம்

 ஆக மொத்தம் 120 வருடம்.

 புத்தி காணக்கிடுதல்

  உதாரணமாக

 சனி திசை குரு புத்தி

தசா வருடம்×புத்தி நாதன் தசா வருடம்

19×16=304

   304 ல் கடைசி இலக்கத்தினை மூன்றாம் பெருக்கி அதனை நாட்களாக கருதப்பட வேண்டும்.4×3=12 நாட்கள்

   மீதமுள்ள 30 என்பது மாதங்கள் ஆகும்.

30 மாதத்தினை வருடமாக மாற்ற 2 வருடம் 6 மாதம் ஆகும்.

சனி தசையில் குரு புத்தி 2 வருடம் 6 மாதம் 12 நாட்கள் ஆகும்.

  உதாரணம்-(2)

     புதன் திசையில் ராகு புத்தி

  17× 18=306

கடைசி இலக்கம் 6×3=18 நாட்கள்

30 மாதத்தினை வருடமாக மாற்ற 2 வருடம் 6 மாதம் ஆகும்.

புதன் திசையில் ராகு புத்தி

 2 வருடம் 6 மாதம் 18 நாட்கள்

உதாராணம் -(3)

  சூரிய தசை செவ்வாய் புக்தி

6×7=42

   கடைசி இலக்கத்தினை மூன்றால் பெருக்க 2×3=6 நாட்கள்

  4 என்பது மாதங்கள்

சூரிய தசை செவ்வாய் புத்தி 4 மாதங்கள் 6 நாட்கள்.

அந்தரம் கணக்கிடுதல்

  உதாரணமாக சனி தசையில் ராகு புத்தி புத்திக்கு. உரிய அந்தரம் கணக்கியல்.

முதலில் புத்தி கணக்கிடப்படுகிறது.

19×18 =342

 கடைசி இலக்கம் 2×3=6

   34 மாதத்தினை வருடமாக மாற்ற 2 வருடம் 10 மாதங்கள் 6 நாட்கள்

வருடம்-மாதங்கள் -நாட்கள்

  02-10-06

   வருடத்தினை மூன்றால் பெருக்கி நாட்களாக கணக்கில் எடுத்துக்கொள்ளப்பட வேண்டும்.

மாதத்தை கால் நாட்களால் பெருக்கி நாட்களாக எடுத்துக் கொள்ளப்பட  வேண்டும், 

 நாள்களை  1/2 நாழிகையால் பெருக்கி நாழிகையாக்கி கொள்ளப்பட வேண்டும்.

வருடம் 2 ×3 =6 நாட்கள்

மாதம் 10×1/4 = 2  1/2

 நாட்கள்

நாட்கள் 6× 1/2 நாழிகை= 3 நாழிகை

ஆக மொத்தம் 8 1/2 நாட்கள் 3 நாழிகை ஆகும்.இதனை புத்தி நாதன்  தசா வருடத்தால் பெருக்கி வேண்டும்.

நாட்கள்

 8 1/2 நாட்கள்× 18 = 153 நாட்கள் ஆகும்.இதனை மாதமாக மாற்ற 5 மாதங்கள் 3 நாட்கள்

நாழிகை

3×18=54 நாழிகை

ஃ சனி திசையில் ராகு புத்தியில் ராகு அந்தரம்

 5 மாதங்கள் 3 நாட்கள் 54 நாழிகை

 மேற்கண்ட இந்த முறையில் சனி தசை ராகு புத்தியில் உள்ள ராகு அந்தரம் கணக்கிட்டு போல ஏனைய அந்தரங்களும் கணக்கிடப்படுகிறது.

நன்றி!

(தங்களது ஜாதக பலன், திருமண பொருத்தம் மற்றும் ஜெனன ஜாதகம் கணித்து கொரியரில் அனுப்புதல் போன்ற சேவைகளை போன் வழியாக பெற தங்களது பிறந்த தேதி, பிறந்த நேரம் மற்றும் பிறந்த இடம் போன்ற தகவல்களை எனது வாட்ஸ் அப் எண்ணிற்கு மெசேஜ் செய்து கட்டணம் செலுத்தும் வழிமுறையை பெறலாம்.)

 வாட்ஸ் அப்& டெலிகிராம் எண்

   9715189647

     செல்

 9715189647

 7402570899

  My google pay ;         7402570899

                                              

                                                   

அன்புடன்    

சோதிடர் சோ.ப.ரவிச்சந்திரன்

      M.Sc,M.A,BEd

(ஆசிரியர் & சோதிட ஆராய்ச்சியாளர்)

ஓம் சக்தி ஆன்லைன் ஜோதிட ஆலோசனை மையம், கரம்பக்குடி, புதுக்கோட்டை மாவட்டம்.

Email; masterastroravi@gmail.com.