நடக்கும் தசை உங்களை உச்சத்துக்கு கொண்டு போகிறதா ?-சிறு அலசல்.
செவ்வாய்பட்டி ஸ்ரீ பத்திரகாளி அம்மன் துணை!
ஒரு தசை முடிந்து அடுத்த தசை ஆரம்பிக்கும் போது அந்த தசை ஜாதகருக்கு யோகத்தை தரக்கூடிய தசையாக இருந்தால் நடந்து முடிந்த தசையின் கடைசி புத்தியிலே அதற்கான ஆயத்தம் தந்து விடுகிறது..வருகின்ற யோக தசையின் சுய புத்தியிலே யோகத்திற்கு அடித்தளத்தை அமைத்து தருகிறது.
மீன லக்னத்திற்கு சூரிய தசை முடிந்து அடுத்து யோக தசையான சந்திர திசை வர இருக்கிறது என்று வைத்துக் கொண்டால் மீன லக்னத்திற்கு வரக்கூடாத சுக்கிர தசையில் 20 வருஷமும், சூரிய தசை 6 வருடம் ஆக இந்த 26 ஆண்டுகள் பட்ட கஷ்டத்திற்கான ஒரு விடுதலையாக அந்த சூரிய தசையில் இறுதி புத்தியிலே அதற்கான நல்ல விஷயங்கள் நடக்க ஆரம்பித்து விடும் .பிறகு சந்திர தசை வரும்பொழுது அந்த சந்திரன் எவ்விதத்திலும் பலவீனப்படாமல் இருந்தால் அதற்கான அந்த யோகத்திற்கான அடித்தளத்தை சுய புத்தியில் தந்து பிறகு படிப்படியாக ஏத்தி விடும் இதனை தொடர்ந்து வரக்கூடிய செவ்வாய் தசையுமே யோக தசையாகவே ஜாதகருக்கு அமையும்.
இதேபோல ஜாதகருக்கு ஒரு யோக தசை நடந்து கொண்டிருக்கையில் அடுத்து வரும் தசை அவயோக தசையாக இருப்பின் அந்த யோக தசையின் கடைசி புத்தியிலே அவயோக தசைக்கு உரிய கஷ்ட காலம் ஆரம்பமாகி சுய புத்தியில் அந்த கஷ்டத்தை அந்த தசை முழுவதும் அனுபவிக்க கூடியதற்கான செயல் அல்லது சம்பவங்கள் அந்த அவயோக தசை சுய புத்தியிலே கொடுக்க ஆரம்பித்து விடுகிறது.
உதாரணமாக சிம்மம் லக்கனத்திற்கு யோகரான குரு தசை பதினாறு அள்ளி கொடுக்கும் தசையாக அமைந்து அடுத்து வரும் சிம்மம் லக்கனத்திற்கு அவயோகரான சனி தசை வருகிறது என வைத்துக் கொண்டால் யோக தசையான குரு தசையின் நிறைவு புத்தியான ராகு புத்தியிலே சனி தசையில் கஷ்டப்பட இருப்பதற்கான காரண காரியங்களை ஆரம்பித்து வைத்து விடுகிறது.சனி தசை சுய புத்தியில் அரங்கேறி அந்த தசை காலம் முழுவதும் கஷ்டப்படும்படியாக செய்து விடுகிறது.
ஒரு தசை அவயோக தசையின்னா அந்த தசை முழுவதும் கஷ்டப்படுற மாதிரி இருக்குமா ? அல்லது ஒருவருக்கு யோகத்தை தரும் தசையாக இருந்தால் அந்த தசை முழுவதும் யோகத்தை அனுபவிக்க கூடிய மாதிரி இருக்குமா ? அப்படின்னு நீங்க கேட்கிற கேள்வி எனக்கு காதிலே விழுகிறது.
இதற்கான பதிலை தெளிவாக தருகிறேன்.சற்று பொறுமையாக வேறு எந்த கவனமும் இல்லாமல் கூர்ந்து கவனித்து படிங்க தெளிவாக பதில் தருகிறேன்.
எப்போதுமே ஒரு தசை நடந்தா ,
அந்த தசை தான் அந்த சாதகருக்கு "முதலாளி "மாதிரி ஓகேங்களா!. இந்த தசை நல்ல தசையா இருந்தா,
முதலாளி நல்ல முதலாளியா இருப்பாரு ? ஆனால் அந்த தசை கெட்ட தசையா இருந்தா அந்த முதலாளி நம்ம உழைப்பை உறிஞ்சி வேலை வாங்கக்கூடிய முதலாளியா இருப்பாரு.
இதுல புத்தி என்பது அந்த முதலாளிக்கு கீழே நம்முடன் சேர்ந்து வேலை பார்க்க கூடிய நம்மள போன்ற ஒரு தொழிலாளியாக முடிவு பண்ணிக்கங்க.
ஒருவருக்கு அவ யோக தசை அல்லது ஆறு அல்லது எட்டுக்கு உடைய தசையாகவோ இருந்தா உங்க முதலாளி நல்ல முதலாளி இல்லைன்னு நீங்கள் முடிவு பண்ணிக்க வேண்டியதுதான். எவ்வளவு தான் உழைத்தாலும் உங்கள் உழைப்பை உறிஞ்சக்கூடிய முதலாளியாத்தான் அந்த தசை இருக்கும். அதே நேரத்தில் ஜீவனத்துக்குரிய ஒரு வழிவகை இருக்கும்.
உங்கள் முதலாளிக்கு (நடக்கும் தசை) உங்களை பிடிக்கலை உங்களை அடித்து இழுத்து கொண்டு வர சொன்னால் அழைக்க வருகிறவனுக்கும் (புக்தி) உங்களை பிடிக்காதவனா இருந்தால் (பகை புக்தி) நன்றாக முதலாளி சொன்னதை விட கூடுதலாக அடித்து இழுத்து கொண்டு போவான்.ஆனால் உங்களை அழைக்க வருகிறவர் உங்களுக்கு நண்பராக இருந்தால் (நட்பு புக்தி) முதலாளி சொல்வதையும் கேட்டுதான் ஆகனும் அடிக்கிற மாதிரி பாவ்லா பண்ணிட்டு கவுரவமாக உன்னை அழைத்து கொண்டு முதலாளியாடம் கொண்டு போய் சேர்ப்பார்.
அவயோக தசை முழுவதும் கஷ்டப்படக்கூடிய நிலை இருந்தாலும் உங்கள் நட்பு புத்திகளில் உங்களுக்கு உகந்த நல்ல பலனைத் தரும்.அதேபோல யோகம் தரும் தசையாக இருந்தாலும் அவ யோக புக்தி காலங்களில் சில தாங்கி கொள்ளக்கூடிய அளவுக்கு சில கஷ்டங்களை கொடுத்து விடும் என்பதையும் தெரிந்து கொள்ளுங்கள்.
ஒரு தசைக்கு எந்த புக்தி கெடுதலை தரக்கூடிய புக்தி என்பதை தெரிந்து கொண்டாலே ஏனைய புத்திகள் நன்மையையோ அல்லது சமமாகவோ செயல்படும் என்பதை புரிந்து கொள்ள வேண்டும்.
சூரியன் தசையில் சுக்கிர புத்தி,சனி புத்தி மற்றும் ராகு புத்தி
சந்திரன் தசையில் சனி ,புத்தி,புதன் புக்தி மற்றும் ராகு புத்தி
செவ்வாய் தசையில் சனி ,ராகு மற்றும் புதன் புக்தி
ராகு தசையில் சூரியன்,சந்திர மற்றும் சனி புத்தி
குரு திசையில் சுக்கிர புத்தி மற்றும் புதன் புத்தி
சனி தசையில் சூரிய புத்தி ,சந்திர புத்தி, செவ்வாய் புத்தி மற்றும் ராகு புத்தி
புதன் திசையில் குரு புத்தி மற்றும் செவ்வாய் புக்தி
கேது தசையில் சூரிய மற்றும் சந்திர மற்றும் ராகு புத்தி
சுக்கிர திசையில் குரு புத்தி ,சூரிய புத்தி மற்றும் சந்திர புத்தி.
நன்றி.
(தங்களது ஜாதக பலன், திருமண பொருத்தம் மற்றும் ஜெனன ஜாதகம் கணித்து கொரியரில் அனுப்பி வைத்தல் போன்ற சேவைகளை போன் வழியாக பெற தங்களது பிறந்த தேதி, பிறந்த நேரம் மற்றும் பிறந்த இடம் போன்ற தகவல்களை எனது வாட்ஸ் அப் எண்ணிற்கு மெஜ்ஜேஸ் செய்து கட்டணம் செலுத்தும் வழிமுறையை பெறலாம்.)
வாட்ஸ் அப் & செல் & கூகுள் பே
097151 89647
மற்றொரு செல்: 7402570899
Email masterastroravi@gmail.com
அன்புடன்
சோதிடர் சோ.ப.ரவிச்சந்திரன்
M.Sc,M.A,BEd
(ஆசிரியர் மற்றும் ஜோதிட ஆராய்ச்சியாளர், ஓம்சக்தி ஆன்லைன் ஜோதிட ஆலோசனை மையம், கரம்பக்குடி, புதுக்கோட்டை மாவட்டம்.
