ஒரு சாதகம் எப்படி இருக்கவேண்டும் ?

ஒரு சாதகம் எப்படி இருக்கவேண்டும் ?

                       

செவ்வாய்பட்டிஸ்ரீ பத்ரகாளியம்மன் துணை!

கிரகங்கள் படுத்தும் பாடு--( 211 )

         ஒரு சிலரது சாதகங்களை பார்த்தவுடனே பலன் சொல்வதற்கு ஒருவித மன திருப்தி ஏற்பட்டு பலன் சொல்வதற்கு தயங்காமல் முழுப்பலன்களையும் நிறைவாக சொல்லும்படியாகவே அமைகிறது.

  இதுபோன்ற சாதகங்களில் சாதகரை வழிநடத்த கூடிய தலைவன் என்று அழைக்கக்கூடிய லக்கன அதிபதியும்,ராசி அதிபதியும் பலமடைந்து நின்று வாழ்வில் எவ்வளவு ஏற்ற தாழ்வுகள் வந்தாலும் எதிர்நீச்சல் இட்டு முன்னேறி செல்வர்.

           இவை மட்டுமன்றி இயற்கை சுபரான குருபகவான் லக்கனம் மற்றும் அதன்அதிபதி இதேபோல ராசி மற்றும் அதன் அதிபதி ஆகிய இவைகளில் ஏதாவது ஒன்றை பார்க்கப்பட்டிருக்கவேண்டும்.

    ஒருவரது சாதகத்தில் லக்கன யோகர்கள் பலம் பெற்று நிற்பதும்,லக்கன அசுபர்கள் பலமிழந்து நிற்பதும் சாதகரை யோக வழியில் வழிநடத்தி செல்லும்.

   லக்கன பாவிகள் மற்றும் மறைவிட அதிபதிகள் ஆனவர்கள் லக்கன சுப ஸ்தான அதிபதிகளுடன் சேராமலோ அல்லது பார்வை பெறாமலே இருக்கும் சாதகங்கள் சாதகரை மேன்மையான வழியில் அழைத்து செல்லும்.

  ஒரு சாதகத்தில் உச்சம்,ஆட்சி மற்றும் மூலதிரிகோணம் ஆன அமைப்புகள் பெற்ற கிரகங்கள் பாவர் பார்வை மற்றும் சேர்க்கை பெறாமல் சாதகத்தில் இருந்தும் அதன் திசைகள் வாழும் காலங்களில் சாதகருக்கு யோக பலனை தரக்கூடிய வகையில் அமையக்கூடிய சாதகமாக இருப்பின் சோதிடர் பலன் அளிக்குமபோது மகிழ்வாக இருக்கும்.

              சாதகத்தில் பாவ கிரகங்கள் உச்சம்,ஆட்சி போன்ற நேர்வலு பெறாமல் மறைமுக வலு பெறும் அமைப்பினை பெற்றிருக்கும் சாதகங்களும் சிறப்பு உடையதாக திகழும்.

          இவை மட்டுமன்றி சாதக கட்டத்தில் எந்த ஸ்தானங்கள் பலமடைந்து நிற்பதால் எவ்வித பலன்கலை பெற்று  சாதகர் மேன்மையடைவார் என்பதையும் தொடர்ந்து படித்து மனதில் நிறுத்துங்கள்.

   தன ஸ்தானமான இரண்டாம் இடம்  பாவிகள் இடம்பெறாமல்  தனகாரகன் குருபகவானும் பலம் பெற்று நிற்பவர்கள் கையில் காசு பணம்  தராளமாக புலங்க கூடிய "தனயோகத்தினை " உகந்த திசை காலங்களில் சாதகர் பெறுகிறார்.

  வாக்கு ஸ்தானமான இரண்டாம் இடம்,சுக ஸ்தானமான நான்காமிடம்,கற்பனை திறன்,படைப்பாற்றல் வளர்க்கும் ஸ்தானமான ஐந்தாமிடம் மற்றும் கிரகங்களில் குரு பகவான், வித்தைகாரகன் புதன் பகவான் ஆகிய கிரகங்கள் ஒருவரது சாதகத்தில் பலம்பெற்று நிற்க கல்வியாலும்,பெற்ற தாயாலும் சிறப்படைவான்.

  சுக ஸ்தானமான நான்காம் இடத்தினை பலமாக பெற்றவர்கள் தன்சுகம்,தாய்சுகம்,கல்வியால் சுகம்,வண்டி வாகனயோகம் (வாகனகாரகன் சுக்கிரன் பலம் அவசியம்),சொந்த வீடு அமைதல் போன்ற பலமான யோகத்தினை அதன் உகந்த திசை வரும் காலங்களில் பெறுகிறார்கள்.

மூன்றாம் இடம் பலம்பெற்று நிற்க தான் பெற்ற மற்றும் கற்ற வித்தையால் கீர்த்தி மற்றும் புகழடையும் யோகத்தினை உகந்த திசை வரும் காலங்களில் பெறுகிறார்கள்.

  பூர்வ புண்ணிய ஸ்தானமான ஐந்தாம் இடம் பலமடைந்து நிற்பது பூர்வ புண்ணியத்தால் பலன் ,புத்திரத்தால் பலன் மற்றும் பெற்ற புத்தியால் பலன் என சாதகர் உகந்த திசை வரும் காலங்களில் பெறுகிறார்கள்.

  ஏழாம் இடம் பலம் பெற்று நிற்பதால் சாதகர் மனைவி வழியால் அன்பும்,ஆதரவும் பெற்று சிறப்பர்.மனை மற்றும் மனையால் யோகங்களை இப்பாவ வலிமையால் சாதகர் பெறுகிறார்.உற்ற நண்பர்களின் ஆதரவும் கிடைக்கும்.

  ஒருவர் தான தர்ம சிந்தனையினை பெற்று பிறர் உதவும் தாரள குணத்தையும்,வருமானம் சேர்க்கும் திறமையும் மற்றும் தந்தையால் ஆதரவினையும் ஒன்பதாம் இடம் பலம் பெற்று நிற்க சாதகர் பெறுவார்.

    ஒருவர் தாம் மேற்கொள்ள இருக்கும் தொழிலால் புகழ் பெற்று நிற்க பத்தாம் இடம் பலமடைந்த இருக்க வேண்டும்.

  ஒருவர் தான் மேற்கொள்ளும் தொழிலால் லாபத்தினையும்,மூத்த சகோதரத்தினால் ஆதரவும் இப்பாவம் பலம் பெறுவதால் சாதகர் பலன் பெறுவார்.

  ஒருவருக்கு அயன,சயன மற்றும் படுக்கை சுபம்,வெளிநாடு யோகம் மற்றும் முக்தியோகம் போன்றவற்றினை பணிரெண்டாம் இடம் பலம் பெறுவதன் மூலம் உகந்த திசையில் சாதகர் பெற இயலும்.

நன்றி

  வாட்ஸ் அப்
   97 151 89 647

     செல்
740 257 08 99
  97 151 89 647

(தங்களது சாதக பலன், திருமணபொருத்தம் மற்றும் ஜெனன சாதகம் கணித்து கொரியரில் அனுப்புதல் போன்ற சேவைகளை போன் வழியாகவே நீங்கள் எந்த நாட்டில் இருந்தாலும் பெற தங்களது பிறந்ததேதி, பிறந்த நேரம் மற்றும் பிறந்தஇடம் போன்ற தகவல்களை எனது வாட்ஸ் அப் எண்ணிற்கு மெஸ்ஸேஸ் செய்து கட்டணம் செலுத்தும் வழிமுறை பெறலாம்.)

                                  

  அன்புடன்

சோதிடர்ரவிச்சந்திரன்
ஆசிரியர் &சோதிட ஆராய்ச்சியாளர்,
ஓம்சக்தி ஆன்லைன் சோதிட ஆலோசனை மையம்
கறம்பக்குடி, புதுக்கோட்டை மாவட்டம்.

My email
masterastroravi@gmail.com

My blogspot
AstroRavichandran. blogspot. com
  AstroRavichandransevvai.blogspot. com