யோகம் உள்ள ஜாதகமா எப்படி தெரிந்து கொள்வது ?

யோகம் உள்ள ஜாதகமா எப்படி தெரிந்துகொள்வது?

                             

            

கிரகங்கள் படுத்தும் பாடு

          மனிதராக பிறந்த அனைவருக்கும் தன்னுடைய சாதகமா ? என தெரிந்து கொள்வதில் ஆர்வம் இருக்கும்.யோக சாதகத்திற்கான கிரக அமைப்புகள் எவ்வாறு இருக்கவேண்டும் என்பதை சோதிட கவி வாயிலாக இப்பதிவில் விளக்கலாம் என எண்ணத்தில் இப்பதிவினை கொண்டு செல்கிறேன்.

யோக விளக்கங்களும்,பாடல்களும்

கவி விளக்கம்-1

            ஜெனன ராசிக்கு இரண்டாம் வீட்டோனும்,10-ஆம் அதிபதி மற்றும் லாபத்தோன் எனப்படும் 11-ம் வீட்டோன் இம்மூவர்களில் ஒருவர் சந்திரன் நின்ற ராசிக்கு கேந்திர ஸ்தனங்களில் நின்றிருக்க (1,4,7,10),
மேற்சொன்ன ஜெனன லக்கனத்திற்கு 5 அல்லது 1 அல்லது 5,9 இவ்விரண்டிற்க்கும் ஆட்சிநாதன் குருவாகவும் இருந்தால் அந்த ஜாதகனுக்கு ராஜயோகம் உண்டு.

இதன் பலன் அவனுதித்த 15 வருடத்திற்கு மேல் அந்த ராஜயோகத்தை அனுபவிப்பான்.

சோதிட கவி-1

'மதிக்கு தனம் ஜீவன லாபத்தோன்
மூவரில் யாரோருவர் சந்திரகேந்திரமேற
உதயவன் புண்ணியன் இல்லை பூர்வபுண்ணியன் தர்மத்தோன்
இவ்விரண்டிற்கும் ஆட்சிநாதன் அரசனாக ராஜயோகம் அவனுதித்து மூவந்தை அகவை தாணாடியூண்டோன்டு சொல் தோழி"

                            

அடுத்த கவிக்கான விளக்கம்-2

       ஒன்பதாம் வீட்டனோனான பாக்கியிதிபதி எவர் அங்கிசம் பெறுகிறானோ அந்த அங்கிசாதிபதி குருவுடன் சேர்ந்து ஜெனன ராசிக்கு இரண்டாம் வீடான தனஸ்தானத்தில் இருக்க 2,9-ஆம் வீட்டிற்குடையோனும் குருவாக இருப்பாராகில் அந்த ஜாதகனுக்கு அவனுத்த 15 வயதிற்குமேல் ஆயுளாகாலம் வரை ராஜ யோகத்தை அனுபவிப்பான்.

சோதிட கவி-2

"தர்மத்தோன் பெற்ற சாரத்தின் நாயகன்
அரசனுடன் சேர்ந்து வாக்கினிலிருக்க
தனபாக்கியத்தோனும் பிரகஸ்பதியானல் ஆயுள் உள்ளவரை
அனுபவிப்பான் ராஜயோகம்
இதை பத்ரகாளி அருளாலே பகர்கிறேன் கேள் தோழா"

---------------------------------

                                

கவி விளக்கம்- 3

         கரும்பாம்பாகிய ராகு பகவான் நின்ற வீட்டிற்குரியவன் உச்சத்தில்வாது,ஆட்சி மற்றும் திரிகோணங்களிலாவது
இருந்து செவ்வாய் ஆட்சி உச்சம் போன்று பலம் பெற்றிருக்க அவனுத்த பதினைந்து ஆண்டிற்குமேல் யோகம் உண்டு.

"கரும்பாம்பு குடியேறிய குடிநாதன்
நலமுடன் ஆட்சியுச்சதிரிகோண மேற
யாருக்கும் அடங்காத அங்காரகனும்
ஆட்சியுச்ச பலம்பெற்று அரசாட்சிபுரிய
ராஜயோகம் உண்டென உரை நண்பா"

----------------------------

                            

கவி விளக்கம்-4

          நான்காம் அதிபதி எனப்படும் சுகத்தோன் நின்ற ராசிக்குடையோன் பத்தாம் வீடான தொழில்  ஸ்தானத்தில் நிற்க அவனுடன் புதன் கூடி இருந்தால் அல்லது ஒருவரையொருவர் பார்த்துக்கொண்டாலும் ராஜயோகம் உண்டு.

சோதிட கவி-4

"சுகத்தோன் நின்ற வீட்டிற்குடையோன்
ஜீவன ஸ்தானமேற அன்புடனே இவர்ஙளோடு கணக்கன் உறவுகொண்டாடியோ ஒருவருக்கொருவர் பார்வைகொள்ள
சாற்றிடு ராஜயோகம் மெத்தவுண்டேன்று"

----------------------------------

                            

கவி விளக்கம்-5

             பலத்தை உடைய ஸ்திர ராசியொன்றில்
ஜெனனம் ஆகி அஸ்திர ராசியால் சுக்கிரனிருக்க ஜெனன லக்கனத்தில் குருவும் அந்த ஜாதகன் ராஜயோகம் உள்ள ஜாதகம் ஆகும்.

சோதிட கவி-5

"ராசியொன்று ஸ்திரமாகி சுக்கிரனும் குடியேற லக்கனத்தில் வியாழனும்
நலமுடன் அமர்திருக்க ராஜயோகம்"

--------+--------------------

                          

           ஒருவரது சாதகத்தில் திரிகோண ஸ்தானங்கள் எனப்படும் ஒன்று,ஐந்து மற்றும் ஒன்பதாம் அதிபதிகளும் ,கேந்திராதிபதிகளான ஒன்று,நான்கு,ஏழு மற்றும் பத்தாம் அதிபதிகளும் தங்களுக்குள் பரிமாறிக்கொண்டிருக்க மறைவு ஸ்தான அதிபதிகளான ஆறு,எட்டு மற்றும் பணிரெண்டுக்குரிய அதிபதிகள் சேர்க்கையோ அல்லது பரிவர்த்தனை அற்று இருப்பின் அவை யோக சாதகம் ஆகும்.

             தன,பாக்கிய மற்றும் லாப அதிபதிகள் பலமடைந்து தங்களுக்குள் பரிவர்த்தனை பெற்று நின்று அவை லக்கனாதிபதிக்கு நட்பாக இருப்பின் அவை யோக சாதகம் ஆகும்.

                              

அன்புடன்
சோதிடர் ரவிச்சந்திரன்
   M.Sc,MA,BEd,
ஆசிரியர் & சோதிடர்
ஓம் சக்தி ஜோதிட நிலையம்
கறம்பக்குடி.புதுக்கோட்டை மாவட்டம்.

வாட்ஸ்அப்

  97 151 89 647

செல் : 97 151 89 647
             740 257 08 99

(தங்களது சாதக பலன், திருமணபொருத்தம் மற்றும் ஜெனன சாதகம் கணித்து கொரியரில் அனுப்புதல் போன்ற சேவைகளை போன் வழியாக நீங்கள் எந்த நாட்டில் இருந்தாலும் பெற தங்களது பிறந்த தேதி, பிறந்த நேரம் மற்றும் பிறந்த இடம் போன்ற தகவல்களை எனது வாட்ஸ்அப் எண்ணிற்க்கு மெஸ்ஸேஸ் செய்து கட்டணம் செலுத்தும் விபரம் பெறலாம்.)