உங்கள் ஜாதகம் யோகம் மிகுந்த ஜாதகமா எவ்வாறு தெரிந்து கொள்வது எப்படி ?
செவ்வாய்ப்பட்டி ஸ்ரீ பத்திரகாளி அம்மன் துணை!
ஒரு ஜாதகம் யோகம் மிகுந்த ஜாதகமாக அமைய கீழ்க்கண்ட விதிமுறைகளை பின்பற்றி இருக்க வேண்டும்.
ஜாதகம் யோக மிகுந்த சாதகமாக அமைய கிரகங்கள் ஜாதக கட்டத்தில் பலமான அமைப்பை பெற்று இருந்தாலும் அதன் தசைகள் நடப்பில் வரக்கூடிய அமைப்பை பெற்ற ஜாதகங்களே யோகம் மிகுந்த ஜாதகமாக அமையும்.
ஒரு ஜாதகத்தை தொட்டவுடன் அதில் மிக மிக அவசியமான , அதே நேரத்தில் நன்கு பலமடைந்து இருக்கவேண்டிய கிரகம் எது? என ஆராய்ந்து பார்த்தால் அந்த ஜாதகத்தில் இலக்கனமும் மற்றும் அதன் அதிபதியும் ஆகும்.
நான் அடிக்கடி கூறியதுபோல ஒருவருக்கு யோகமான தசா அமைப்புகள் வந்தாலும் அந்த தசா யோகத்தை அனுபவிக்க கூடிய வாய்ப்பை தருபவர் லக்னாதிபதியே ஆகும். அதே நேரத்தில் ஒருவருக்கு கஷ்டமான தசா அமைப்புகள் நடந்தாலும் அந்த கஷ்டங்களை எல்லாம் மீறி வாழ்வில் எதிர்நீச்சல் போட்டு வெற்றிக்கொடியை வாழ்வில் ஏற்றி தன்னம்பிக்கை மிக்கவராக வாழ்வில் ஜொலிக்க லக்னாதிபதியே காரணகர்த்தாவாக திகழ்கிறார்.
ஒரு ஜாதகத்தில் பௌர்ணமி யோகம், சந்திராதி யோகம் மற்றும் தர்மகர்மாதிபதி யோகம் போன்றவை எவ்வித பங்கமும் உட்படாமல் இருந்து அதன் தசை வாழ்வில் உரிய வயதில் வரக்கூடிய அமைப்பைப் பெற்றவர்கள் பாக்கியசாலிகள் ஆவார்.
அதேபோல இயற்கை சுப கிரகமான குரு, வளர்பிறை சந்திரன், தனித்த புதன் மற்றும் சுக்கிரன் தொடர்புடைய கிரகங்கள் தசைகள் தொடர்ந்து வரக்கூடிய அமைப்பை பெற்றவர்களும் யோகம் உள்ள ஜாதகம் ஆகும்.
ஒருவரது ஜாதகத்தில் திரிகோண அதிபதிகள் திசைகள் தொடர்ந்து வரக்கூடிய அமைப்பு பெற்றவர்களும் பாக்கியவான்கள் ஆவார் .
ஒரு சாதகத்தில் உள்ள அதிகமான கிரகங்களை குரு பார்த்து அதன் தசைகள் தொடர்ந்து வரக்கூடிய அமைப்பு பெற்றவர்களும் யோகம் மிகுந்த சாதகமாகும்.
ஒரு ஜாதகத்தில் யோகிகளை எவ்வித பாவக்கிரகங்கள் தொடர்பில் இல்லாமல் அதன் தசைகள் தொடர்ந்து வரக்கூடிய கூடிய அமைப்பை பெற்றவர்களும் யோக மிகுந்த சாதகமாகும்.
ஒரு ஜாதகத்தில் லக்ன நட்பு கிரகங்கள் ஒன்றுக்கொன்று கேந்திர, திரிகோணங்களில் அமர்ந்து அவர்களுடைய எவ்வித பாவகிரக தொடர்பும் இல்லாமல் இருப்பின் அது யோகமுள்ள சாதகமாகும்.
ஒருவர் ஜாதகத்தில் மறைவு ஸ்தான அதிபதிகள் தங்களுக்குள் தொடர்பு கொண்டு அதாவது தங்களுக்குள் பரிவர்த்தனை ஆகி அதன் தசை நடக்க கூடிய அமைப்பை தொடர்ந்து பெற்றவர்களும் யோகம் உள்ள ஜாதகம் ஆகும்.
குரு அணியை சேர்ந்த குரு ,சந்திரன் ,செவ்வாய் மற்றும் சூரியன் போன்றவற்றை இலக்கன நாதனாக கொண்டவர்கள் இதன் தசைகள் தொடர்ந்து வரக்கூடிய அமைப்பு பெற்றவர்களும் யோக மிகுந்த சாதகமாகும் .
இதேபோல சுக்கிரன் அணியை சேர்ந்த சுக்கிரன், சனி மற்றும் புதன் போன்றவற்றை இலக்கனாதிபதியாக உடையவர்கள் அதன் தசைகள் தொடர்ந்து வரக்கூடிய அமைப்பை பெற்றவர்களும் யோக மிகுந்த சாதகம் ஆகும்.
குரு அணியை சேர்ந்தவர்களுக்கு அதன் எதிர் தன்மையுள்ள சுக்கிரன் அணி சேர்ந்த கிரகங்கள் தசைகள் தொடர்ந்து வந்தால் அந்த கிரகங்கள் உபஜெய ஸ்தானமான 3,6,10 ,11 போன்ற இடங்களில் அமர்ந்து நட்பு நிலையில் இருப்பின் அதன் தசைகள் தொடர்ந்து வந்தாலும் யோகம் மிகுந்த சாதகமாகும்.
அதே போல சுக்கிரன் அணியைச் சேர்ந்தவர்களுக்கு குரு அணியைச் சேர்ந்த கிரகங்களுடைய தசைகள் தொடர்ந்து வந்தாலும் அந்த கிரகங்கள் உபஜெயஸ்தானமான 3,6,10,11 ஆம் இடங்களில் நின்று நட்பு நிலையில் இருப்பின் அதுவும் யோக மிகுந்த சாதகமாகும்.
ஒரு ஜாதகத்தில் இலக்கன யோகருடைய தசைகள் தொடர்ந்து வரக்கூடிய அமைப்பு பெற்றவர்கள் யோகம் மிகுந்த சாதகமாகும்.
இலக்கன யோகர்
மேஷ லக்னத்திற்கு சூரியன் மற்றும் குரு தசை கள் ஆகும்.
ரிஷப லக்கினத்திற்கு புதன் மற்றும் சனி பகவான் தசை ஆகும்.
மிதுன லக்னத்திற்கு சுக்கிரன் மற்றும் சனி பகவான் ஆகும்.
கடக லக்கினத்திற்கு செவ்வாய் மற்றும் குரு தசைகள் ஆகும்.
சிம்ம லக்கினத்திற்கு குரு மற்றும் செவ்வாய் திசைகள் ஆகும்.
கன்னி லக்னத்திற்கு சனி மற்றும் சுக்கிர திசைகள் ஆகும்.
துலா லக்னத்திற்கு சனி மற்றும் புதன் திசைகள் ஆகும்.
விருச்சக லக்கினத்திற்கு குரு மற்றும் சந்திர
தசைகள் ஆகும்.
தனுசு லக்கினத்திற்கு செவ்வாய் மற்றும் சூரிய தசைகள்
மகர லக்கினத்திற்கு சுக்கிரன் மற்றும் புதன் தசைகள் ஆகும்.
கும்ப லக்கினத்திற்கு புதன் மற்றும் சுக்கிரன் தசைகள் ஆகும்.
மீன லக்கினத்திற்கு சந்திரன் மற்றும் செவ்வாய் தசைகள் ஆகும்.
ஒரு கிரகம் இருக்கக்கூடிய வீட்டு அதிபதி உச்சம் போன்ற நிலைகளில் பலம் பெற்று அதன் தசைகள் தொடர்ந்து நடப்பில் இருக்கக்கூடிய அமைப்பினைப் பெற்றவர்களும் யோகம் மிகுந்த ஜாதகம் ஆகும்.
ஒரு கிரகம் யோகத்தை தரக்கூடிய நிலையில் உள்ளதா ? என்பதை ஆராய அந்த கிரகம் இடம்பெற்ற வீடு, அதன் அதிபதி ,
அந்த கிரகத்துடன் சேர்ந்துள்ள மற்றும் பார்க்கின்ற கிரகங்கள் மற்றும் அந்த கிரகம் பெற்ற நட்சத்திர சார நாதன் ஜாதகத்தில் எங்கு அமைந்துள்ளார் போன்றவற்றை ஆராய்ந்து பார்த்து அந்தக் கிரகம் யோகம் தருமா? தராதா ? என்பதை முடிவு செய்யப்பட வேண்டும்.அவ்வாறு யோகம் தரும் எனில் அதன் தசைகள் சாதகருக்கு அனுபவிக்க வேண்டிய உரிய வயதில் வருமா? என்பதை பொறுத்தும் அந்த ஜாதகம் யோகம் மிகுந்த ஜாதகமா என்பது முடிவு செய்யப்படும்.
நன்றி!
(தங்களது ஜாதக பலன், திருமண பொருத்தம் மற்றும் ஜெனன ஜாதகம் கணித்து கொரியரில் அனுப்புதல் போன்ற சேவைகளை போன் வழியாக பெற தங்களது பிறந்த தேதி, பிறந்த நேரம் மற்றும் பிறந்த இடம் போன்ற தகவல்களை எனது வாட்ஸ் அப் எண்ணிற்கு மெசேஜ் செய்து கட்டணம் செலுத்தும் வழிமுறையை பெறலாம்.)
Whats app
9715189647
Cell
9715189647
7402570899
My website
www.astroravichandransevvai.in
அன்புடன்
சோதிடர்
சோ.ப. ரவிச்சந்திரன்
M.Sc,M.A,BEd
( ஆசிரியர் மற்றும் ஜோதிட ஆராய்ச்சியாளர்) ஓம்சக்தி ஆன்லைன் ஜோதிட ஆலோசனை நிலையம், கறம்பக்குடி புதுக்கோட்டை மாவட்டம்.
No comments:
Post a Comment