ஏழாம் இடத்தில் பன்னிரெண்டு பாவ அதிபதிகள் இடம் பெறுவதால் அடையும் பலன்கள்.

 ஏழாம் இடத்தில் பன்னிரெண்டு பாவ அதிபதிகள் இடம் பெறுவதால் அடையும் பலன்கள்

       

செவ்வாய்ப்பட்டி ஸ்ரீ பத்திரகாளி அம்மன் துணை

  ஒரு ஜாதகத்தில் ஏழாம் இடம் என்பது தனக்கு வரும் வாழ்க்கைத் துணையை பற்றியும் மற்றும் நட்பு நிலை பற்றியும் அறிய உதவும் ஸ்தானமாகும் .எனவே இந்த இடத்தை களத்திர ஸ்தானம் என்றும் ,இதன் அதிபதியை களத்திர ஸ்தான அதிபதி என்றும் மற்றும் களத்திரத்துக்கு காரகராக சுக்கிர பகவான் விளங்குகிறார்.

  பொதுவாக ஏழாம் இடத்தில் பாவ கிரகங்களான சனி, செவ்வாய், ராகு மற்றும் கேது இடம் பெறக் கூடாது .ஆனால் அதே நேரத்தில் இயற்கை சுபர்கள் ஆன குரு, வளர்பிறை சந்திரன் ,தனித்த புதன் மற்றும் சுக்கிரன் இடம் பெறுவது அல்லது பார்வை செய்வது நல்லது.

       ஏழாம் இடத்தில் லக்கனாதிபதி இடம் பெறுவது நல்லது என்பது பொதுவாக கூறப்பட்டாலும் ஆனால் அதே நேரத்தில் பாவ கிரகமாக சனி மற்றும் செவ்வாய் ஏழாம் இடத்தில் இடம்பெறும் போது அது ஏழாம் இடத்தையும் தனக்கு சம சப்தமாக லக்கனத்தையும் பார்த்து கெடுபலனை தர வைப்பார் இதனால் திருமண தடை உருவாகும். இயற்கை சுப கிரகங்களாக இருந்து இடம்பெறும் போது அழகான நல்ல மனைவி அமையக்கூடிய யோகம் உண்டாகும்.

 சில நேரங்களில் பாவ கிரகங்கள் இருந்தாலும் அதனை பார்வை அல்லது சேர்க்கை மூலமாக சுமர

   ஏழாம் இடத்தில் தனாதிபதி அதாவது இரண்டாம் இட அதிபதி இடம் பெறுவது நல்லது. தன அதிபதியான இரண்டாம் இட அதிபதி ஏழாம் இடத்தில் இடம் பெறும் போது மனைவி வகையில் தன வரவு உண்டாகும். அதே நேரத்தில் இரண்டாம் அதிபதி பாவ கிரகங்களாக இருந்து ஏழாம் இடத்தில் இடம்பெறாமல் இருப்பது நல்லது.

   ஏழாமிடத்தில் கீர்த்தி, புகழ், அந்தஸ்து தரக்கூடிய மூன்றாம் இட அதிபதி இடம் பெறுவது நல்லது. சாதகருக்கு மனைவி வழி அல்லது மனைவி வந்தபின் சமூகத்தில் புகழ்பெறக்கூடிய யோகத்தை தரும். வழக்கம்போல் மூன்றாமிடத் அதிபதி பாவ கிரகமாக இல்லாமல் சுப கிரகங்களாக இருந்து ஏழாம் இடத்தில் அமர்வது நல்லது. அவ்வாறு பாவ கிரகங்களாக இருப்பினும் இயற்கை சுப கிரகங்கள் பார்வை செய்தால் சுப தன்மையை அடைந்து நல்ல பலனைத் தந்து விடும்.

 ஏழாம் இடத்தில் நான்காம் இட அதிபதி இடம் பெறுவது நல்லது ஆகும். அதாவது ஒரு கேந்திர அதிபதி மற்றொரு கேந்திர ஏறுதல் என்பது சிறப்பான பலனை தரும். ஆனால் அதே நேரத்தில் பாவ கிரகங்களாக இருந்து ஏழாம் இடம் பெறுவது நல்லது அல்ல.

சுக ஸ்தானாதிபதி களத்திர ஸ்தானம் ஏறுவதால் சாதகர் மனைவி வழியில் சுகத்தை அடைவார்.

ஏழாமிடத்தில் ஐந்தாமிட அதிபதி இடம் பெறுவது என்பது சாதகர்களுக்கு மிகுந்த யோகத்தை தரும் அமைப்பாகும். அதாவது ஒரு கோனாதிபதி மற்றொரு கேந்திரம் ஏறுதல் நல்லது என்ற வகையில் ஜாதகருக்கு நல்ல பலனை தரும். மனைவி நல்ல புத்திசாலியாக திறமை வாய்ந்ததாக அமைவாள்.

சில நேரங்களில் விருப்பப்பட்ட அல்லது காதலித்த பெண்ணே மனைவியாக அமையக்கூடிய யோகம் உண்டு. மற்றபடி வழக்கம் போல் பாவ கிரகங்களாக இல்லாமல் சுபகரங்களாக இருந்து ஏழாம் இடம் ஏறுதல் நல்லது.

     ஏழாம் இடத்தில் ஆறாம் இட அதிபதி இடம் பெறுவது நல்லது அல்ல.இவை கால தாமத திருமணத்தை கொடுக்கிறது.ஆறாம் இட அதிபதி பாவ கிரகமாகவும் இருந்தால் கூடுதலான கெடு பலனை கொடுக்கிறது.சுப கிரகமாக இருந்து ஏழாம் இடத்தில் இடத்தில் இருந்தால் பிரச்சினை கட்டுக்குள் இருக்கும்.

 ஏழாமிட அதிபதியே ஆட்சி பெற்ற நிலையில் ஏழாம் இடத்தில் இருந்தால் ஜாதகருக்கு மனைவி வழியில் நல்ல ஆதாயம் கிட்டும். ஆனால் அதே நேரத்தில் ஏழாம் இட அதிபதி பாவ கிரகமாக இருந்து ஏழாம் இடத்திலே ஆட்சி பெற்ற நிலையில் நிற்பது ஏழாம் இடத்தையும் லக்னத்தையும் கெடுக்கும்..

    ஏழாம் இடத்தில் எட்டாம் இட அதிபதி இடம் பெறுவது நல்லதல்ல அவ்வாறு இடம் பெற்று இருப்பின் மனைவி வழியில் வில்லங்கம், பிரச்சனை உருவாகும்.அதே இடத்தில் எட்டாம் இட அதிபதி பாவ கிரகமாக இருந்து ஏழாம் இடத்தில் இருந்தால் பிரச்சினை கூடுதலாக இருக்கும்.இயற்கை சுப கிரகமாக இருந்தால் பிரச்சினை கட்டுக்குள் இருக்கும்.

 ஏழாமிடத்தில் ஒன்பதாம் இட அதிபதி இடம் பெறுவது நல்ல பலனைத் தரும். ஒன்பதாம் இட அதிபதியாக இருந்தாலும் பாவக் கிரகமாக இருந்தால் நல்லதல்ல. சுப கிரகமாக இருந்து ஏழாம் இடத்து இடம் பெறுவது சாதகருக்கு மனைவி வழியில் வருமானம் சொத்துகள் கிடைக்கும்.சில நேரங்களில் மனதுக்கு பிடித்த பெண்ணே மனைவியாக அமையக்கூடிய வாய்ப்புகள் உண்டு.

 ஏழாம் இடத்தில் ஜீவன அதிபதியான பத்தாம் இட அதிபதி இடம் பெறுவது நல்லது. அந்தப் பத்தாமிட அதிபதி பாவ கிரகமாக இருந்தால் இடம்பெறுவது கெடுபலனை சாதகருக்கு கொடுக்கும். சுப கிரகமாக இருந்தால் சம்பாதிக்கக்கூடிய மனைவியாக அமையக்கூடிய நிலை உருவாகும்.

   ஏழாம் இடத்தில் லாப அதிபதி இடம் பெறுவது மனைவி வழியில் நல்ல லாபங்களையும் மற்றும் சொத்துக்களையும் கொடுக்கும். மனைவியே நல்ல மதி யுக மந்திரியாக இருந்து நல்ல லாபத்தை சாதகருக்கு வர ஒத்துழைப்பு தருவாள். லாப அதிபதி பாவ கிரகமாக இருந்தால் ஏழாம் இடத்தில் இருந்தால் அதே நேரத்தில் சாதகரை கெடுக்கும் திருமண வாழ்வில் தடையை கொடுக்கும்.

   விரய அதிபதி என்னும் பனிரெண்டாம் இட அதிபதி ஏழாம் இடத்தில் இடம் பெறும்போது மனைவி வழியில் விரயங்களை உண்டாக்கும். மனைவி தேடுதலில் நிறைய செலவுகளை தரும் மனைவி வந்த பிறகு ஜாதகர் தேவையில்லாத வீண் செலவுகள் ஈடுபட்டு மன குழப்பத்திற்கு ஆளாவார். சுப கிரக பார்வைபடும் பொழுது அதுவே நல்ல பலனை தரக்கூடிய அமைப்பிலும் இருக்கும். விரயாதிபதி ஏழாம் இடத்தில் இடம்பெற்று சுபர் பார்வை பெறும் பொழுது அவர் செய்யும் செலவுகள் அனைத்தும் சுப விரயமாக அமையும்.

நன்றி.

வாட்ஸ் அப் & செல் & கூகுள் பே

  097151 89647 

மற்றொரு செல்; 7402570899

Email masterastroravi@gmail.com

(தங்களது ஜாதக பலன், திருமண பொருத்தம் மற்றும் ஜெனன ஜாதகம் கணித்து கொரியரில் அனுப்பி வைத்தல் போன்ற சேவைகளை போன் வழியாக பெற தங்களது பிறந்த தேதி, பிறந்த நேரம் மற்றும் பிறந்த இடம் போன்ற தகவல்களை எனது வாட்ஸ் அப் எண்ணிற்கு மெஜ்ஜேஸ் செய்து கட்டணம் செலுத்தும் வழிமுறையை பெறலாம்.)

அன்புடன்

சோதிடர் சோ.ப.ரவிச்சந்திரன் 

    M.Sc,M.A,BEd

ஆசிரியர் மற்றும் ஜோதிட ஆராய்ச்சியாளர், ஓம்சக்தி ஆன்லைன் ஜோதிட ஆலோசனை மையம், கரம்பக்குடி, புதுக்கோட்டை மாவட்டம்.